Penyinu Ati

Diatu aku ngembuan pengaga tang bisi kurang dalam pengaganya. Sinu atiku ngenang tang laban ati ti sinunya, aku nulis penyinu ati. Maya aku baru ka ngembuan pengaga serta pengelantang dalam ati, nuan deka mulai ka diri agai aku. Cerita tua semina ka pengingat lama. Badu meh tua ngenang agi tang nuan seruran di ati.

 Pedis... amat pedis ka muai nuan ari ati laban nuan udah ditanam aku cukup dalam. Tua udah nyadi seati. Tang nama penyadi tua diatu? Suba tua bepangan semina ngasa ka ati pangan diri. Begulai tua enda panjai semina ngenelih ka ati. Betemu tua amat enda disadang. Sebedau tua betemu lalu ngembuan pengerindu ti dalam, tua sigi udah betemu enggau pangan diri tang tua enda sedar. Maya tua betemu ke-2 kali, tua sedar tua kala betemu tang enda sedar kali tu tua udah laun. Ukai sengaja tang semua tu diatur Tuhan kena nguji pengeliat serta pengingin ati tua. Semua utai ti nyadi antara tua endang enda disadang.

Pengerindu nyau makin dalam. Tua anyut dibai ai sungai ti deras. Tua enda sedar pengerindu tua nyadi pengerindu ti deka 'munuh' ati tua. Semua tu ukai dipinta tang tua kelalu nitih ka ati. Maya tua sedar, utainya udah kelalu laun.

Munyi ka nyamai amat tua beleka ari pangan, datai di airport alu niki bilun ti mai pulai ke menua diri. Senang amat nyebut tang ati asai ka dicarik ka orang. Mayanya tua beperening, asaika nadai org negelingi tua. Antara sedar enggau enda tua beberap enggau pangan diri. Enda berasai ai mataku neritik labuh. Aku berasai likun maya nuan merap aku. Asaika enggai beleka enggau nuan seumur idup aku. Mayanya tua sigi enda ibuh ka jako orang. Barang ko sida meh nama utai ka sebut pasal tua. Dalam hal pengerindu tu, tua sigi enda salah tang dalam hal siti agi tua salah endar.

Diatu, nama penyadi tua? Tua enda kala madah ka beserara tang tua diserara ulih Tuhan. Tua enda ulih nyalah ka Iya laban tua endang udah salah ari pun. Tu 'penyakit' ti digiga tua empu. Udah nemu pengerindu tua endang nadai pengujung, nama pengawa tua majak ga...??

Nyauka masuk ke-2 taun, nama penyadi tua? Tua sama enda ulih ngeleka ka pangan. 2 taun idup aku asaika kusung. Ati aku enda ulih nerima orang bukai laban nuan. Aku nemu ati nuan telih. Aku nemu asai ati nuan laban aku pun bakanya. Aku idup baka ti selama. Terima kasih agai nuan laban nuan selalu ingat ka aku dalam sampi nuan.

Aku udah ka belabuh idup 'likun' tang nama pengawa nuan tau datai baka pencuri, tama agai ati aku baru. Bakani meh pengujung tua ila? Badu tua majak ke pengerindu tu laban tua udah nemu pengujung ia... NADAI PENGUJUNG~ kasih meh tua ka ati enggau semengat tua, badu agi tua ngasuh diri empu merinsa. Udah ungkup tua bakatu, terima aja...

Enti Tuhan meri sekali agi awak tua betemu...